Gənc riyaziyyatçılar Türkiyədən medalla dönüblər
Azərbaycan ilk dəfə olaraq Türkiyədə keçirilən riyaziyyat yarışına (Türkiye Matematik Yarışması) qoşulub.
Yarışda Azərbaycanı təmsil edən 35 şagird “Global Olympic Center”in təşkilatçılığı ilə iyunun 6-da Türkiyənin İzmir şəhərinə yollanıb.
İzmirin ən böyük orta təhsil ocağı olan Bornovo Anadolu Liseyində keçirilən yarış bir neçə gün davam edib. Azərbaycanlı şagirdlərin bir çoxu final mərhələsinə yüksələ bilib.
Sonda İzmir İqtisad Univeristetində keçirilən mükafatlandırma mərasimində azərbaycanlı şagirdlərdən 16 nəfərə medal təqdim olunub. Murad Məmmədli, Sulduz Hacıyev, Toğrul Məmmədli, Alikamal Hasan qızıl medal, Kamran Allahverdi, Zeynəb Əzizli, Nazim Nağızadə gümüş medal, Aslan Rzayev, Mehdi Həbibzadə, Tofiq Zeynallı, Nihat Zeynallı, Tunar Həsənzadə, Aydan Babayeva, Məhəmməd Həsənli, Əli Alməmmədli bürünc medal qazanıb.
Öz yaşıdları arasında dərəcə fərqi yarada bildiyi üçün Murad Məmmədli həmçinin qızıl ulduz, Sulduz Hacıyev və Toğrul Məmmədli isə gümüş ulduz mükafatına layiq görülüb.
