Rəqəmlər nəyi nişan verir?
İqtisadçı alim, siyasətçi Qubad İbadoğlu yazır ki, 2022-ci ildə dünyada 95 trilyon dollarlıq ümumi daxili məhsul (ÜDM) istehsal olunub: “Bunun 24,8 trilyon dolları ABŞ-ın, 18,5 trilyon dolları Çinin, 5,4 trilyon dolları Yaponiyanın, 4,5 trilyon dolları Almaniyanın, 3,4 trilyon dolları Böyük Britaniyanın, 3,2 trilyon dolları Hindistanın, 3,1 trilyon dolları Fransanın, 2,3 trilyon dolları İtaliyanın, 2,2 trilyon dolları Kanadanın, 2,1 trilyon dolları Cənubi Koreyanın payına düşüb.
ABŞ 1871-ci ildən bəri dünyanın ən böyük iqtisadiyyatına malikdir. ÜDM-in həcminə görə ilk onluqda yer alanların Çin istisna olmaqla hamısı ABŞ-ın müttəfiqləridir.
Liderlər siyahısında nə Rusiya, nə Türkiyə var. Ötən il Rusiyada 1,7 trilyon dollar, Türkiyədə 844,5 milyard dollar ÜDM istehsalı qeydə alınıb. Rusiya sıralamada 12-ci, Türkiyə 22-cidir. İqtisadi gücü olmayan ölkənin diplomatik təsiri, siyasi qüdrəti və beynəlxalq nüfuzu ola bilməz”.
Novator.az-ın məlumatına görə, Qubad İbadoğlu həmçinin qeyd edir ki, 1990-cı ildə Çinin ÜDM-i Rusiyanın göstəricisinin 70 faizi qədər olub, 2022-ci ildə Rusiyanın göstəricisini 10 dəfədən də çox qabaqlayıb: “1990-cı ildə Türkiyə və Cənubi Koreya bərabər səviyyədə milli gəlir istehsal edən milli iqtisadiyyatlara malik idilər. Ötən il Türkiyənin ÜDM-i Cənubi Koreyanın göstəricisindən 2,5 dəfə az olub. Elmi, təhsili, texnologiyası zəif olan, insan kapitalına sərmayə qoymayan ölkələr inkişafdan gedir qalır”.
