Berluskoni vəfat etdi
İtalyan siyasətçi Silvio Berluskoni iyunun 12-də vəfat edib.
Novator.az bildirir ki, 1936-cı il sentyabrın 29-da doğulan Silvio Berluskoni Milan Universitetinin hüquq fakültəsini bitirib. “İrəli, İtaliya” Partiyasının qurucusu olan Silvio Berluskoni 1994-1995, 2001-2006, 2008-2011-ci illərdə baş nazir postu tutub.
Silvio Berluskoni 2022-ci ildən İtaliya parlamentinin yuxarı palatasının – Senatın üzvü idi.
İtaliyada hökumət qanunverici orqanın palatalarında təmsilçilik əsasında formalaşır. 2022-ci ildə keçirilmiş parlament seçkisində “İrəli, İtaliya” Partiyasının da daxil olduğu sağ blok həm 400 nəfərlik Deputatlar Palatasında, həm yuxarı palatada çoxluğa sahib çıxıb. Sağ cinahda əsas qüvvə İtaliya Qardaşları Partiyasıdır. Qurumun lideri Corca Meloni baş nazirdir.
