Xalis maliyyə aktivləri 1,1 milyard dollar azalıb
2023-cü ilin ilk rübü üzrə tədiyyə balansı açıqlanıb. Novator.az bildirir ki, Mərkəzi Bankın hesabatına görə, cari əməliyyatlar balansında 3,4 milyard dollar, kapital və maliyyənin hərəkəti hesabında 1,3 milyard dollar artıqlıq yaranıb, ehtiyat aktivləri 3,5 milyard dollar artıb.
Statistikaya əsasən, xarici ticarət balansında 4,7 milyard dollar, təkrar gəlirlər balansında 298 milyon dollar artıqlıq, xidmətlər balansında 686,8 milyon dollar, ilkin gəlirlər balansında 955,9 milyon dollar kəsir qeydə alınıb.
İlk rübdə ölkənin xalis maliyyə aktivlərinin 1,1 milyard dollar azaldığı vurğulanır.
