Türkiyə parlamentində mandat bölgüsü
Türkiyə Böyük Millət Məclisi partiyaların mandat bölgüsünü açıqlayıb.
Novator.az bildirir ki, mayın 14-də seçilmiş 600 nəfərlik parlamentdə Ədalət və İnkişaf Partiyası 267 mandatla göstərilir.
Cümhuriyyət Xalq Partiyasının 130, Yaşıllar və Sol Gələcək Partiyasının 57, Milliyyətçi Hərəkat Partiyasının 50, Yaxşı Partiyanın 44 mandatı var.
Demokratiya və Sıçrayış Partiyası qanunverici orqanda 15, Gələcək Partiyası 10, Səadət Partiyası 10, Yenidən Rifah Partiyası 5, Türkiyə Fəhlə Partiyası 4, Demokrat Partiyası 3, Əmək Partiyası 2, Xalqların Demokratik Partiyası 2, Demokratik Sol Partiya 1 mandatla təmsil olunur.
Parlament seçkisi ilə eyni gündə keçirilən prezident seçkisi mayın 28-nə – ikinci tura qalıb, Ədalət və İnkişaf Partiyasının lideri, dövlət başçısı Rəcəb Teyyub Ərdoğan üstün gəlib.
Rəcəb Teyyub Ərdoğan 2003-cü il martın 14-dən baş nazirlik edib, 2014-cü il avqustun 10-da və 2018-ci il iyunun 24-də prezident seçilib.
İyunun 7-si yeni parlamentdə sədr seçkisi başlayıb. Seçki yarışında şanslı iddiaçı Ədalət və İnkişaf Partiyası ilə Milliyyətçi Hərəkat Partiyasının ortaq namizədi Numan Kurtulmuşdur. Onun 6 rəqibi var.
Sədr seçilmək üçün ilk iki turda 400 səs, üçüncü turda 301 səs tələb olunur.
Mənbə: Tbmm.gov.tr
