Şövkət Mirziyayevin üç rəqibi var
İyunun 7-si Özbəkistanda növbədənkənar prezident seçkisinin təşviqat kampaniyası başlayıb. Novator.az bildirir ki, iyulun 9-na təyin olunmuş seçkidə dörd iddiaçı yer alır: dövlət başçısı, Liberal Demokrat Partiyasının namizədi Şövkət Mirziyayev, Xalq Demokrat Partiyasının namizədi Uluqbəy İnayətov, Sosial Demokrat Partiyasının namizədi Robahan Mahmudova, Ekologiya Partiyasının namizədi Əbdüşükür Həmzəyev.
Növbədənkənar prezident seçkisinə mayın 8-də qərar verilib. Bu, konstitusiyaya dəyişikliklər referendumunun nəticələrindən irəli gəlir. Aprelin 30-da keçirilmiş referendumda rəsmiləşən əsas yeniliklərdən biri prezidentin səlahiyyət müddətinin 5 ildən 7 ilə qaldırılması, indiki dövlət başçısına yenidən seçilmək imkanı yaradılmasıdır.
1957-ci il təvəllüdlü Şövkət Mirziyayev 2003-cı il dekabrın 12-dən baş nazir olub, 2016-cı il sentyabrın 8-dən prezident səlahiyyətlərini icra edib, dekabrın 4-də prezident seçilib.
Şövkət Mirziyayev 2021-ci il oktyabrın 24-də keçirilmiş prezident seçkisində də qalib gəlib.
