BMT Təhlükəsizlik Şurasına yeni üzvlər seçilib
BMT Baş Məclisi iyunun 6-da Təhlükəsizlik Şurasının 5 qeyri-daimi üzvünü seçib: Əlcəzair, Syerra-Leone, Cənubi Koreya, Qayana, Sloveniya. Novator.az bildirir ki, bu ölkələr 2024-cü ildən Qana, Qabon, Birləşmiş Ərəb Əmirlikləri, Braziliya və Albaniyanı əvəzləyəcək.
1945-ci ildə yaradılan BMT 193 ölkəni bir araya gətirir. Qurumun mərkəzi qərargahı ABŞ-ın Nyu-York şəhərində yerləşir.
Beynəlxalq sülh və təhlükəsizliyə məsul Təhlükəsizlik Şurasının 5 daimi üzvü – ABŞ, Böyük Britaniya, Çin, Fransa, Rusiya qərarlara veto qoya bilir. Qurumun 10 üzvünü iki il müddətinə Baş Məclis seçir. Hazırda Təhlükəsizlik Şurasında Mozambik, Yaponiya, Ekvador, İsveçrə və Malta da yer alır.
Mənbə: Reuters.com
