Lirə bu il nə qədər ucuzlaşıb?
Mərkəzi Bank iyunun 5-də 100 Türkiyə lirəsini 8 manat 5 qəpiyə satır. Novator.az bildirir ki, bu, ilin əvvəli ilə müqayisədə 1 manat 2 qəpik aşağı qiymətdir. 2023-cü ilin siftə məzənnəsi 9 manat 7 qəpik olub.
Lirə 2021-ci ilin sonundan ucuzlaşır. Mərkəzi Bankın məzənnə hesabatlarına görə, 100 Türkiyə lirəsi 2021-ci ilə 22 manat 91 qəpiklə başlayıb, ili 13 manat 29 qəpiklə yola salıb.
2022-ci il 9 manat 9 qəpiklə bitib.
2023-cü il mayın 14-ü Türkiyədə parlament və prezident seçkiləri keçirilib, prezident seçkisi mayın 28-i ikinci turla davam edib.
Mərkəzi Bank qoşa seçkinin səhəri günü 100 Türkiyə lirəsini 8 manat 66 qəpiyə təklif edib. Mayın 30-dək kurs 8 manat 25 qəpiyə enib.
İyun 8 manat 19 qəpiklə start götürüb.
