Gürcüstanın Milli Statistika Xidməti inflyasiya hesabatı yayıb. Novator.az bildirir ki, rəsmi açıqlamaya görə, 2023-cü ilin may ayında istehlak qiymətləri ötən ilin eyni dövrünə nəzərən 1,5 faiz artıb.

Ərzaq məhsulları üzrə illik bahalaşma 3,3 faiz göstərilir, ət və ət məhsullarının 9,7 faiz, süd, pendir və yumurtanın 9,3 faiz, alkoqolsuz içkilərin 7,1 faiz, tərəvəzin 6,3 faiz dəyər artırdığı xəbər verilir.

Hesabata əsasən, bitki yağı və piylər 17 faiz, meyvə 12 faiz ucuzlaşıb.

Kommunal xərclərin 3,7 faiz yüksəldiyi, nəqliyyat xərclərinin 12,9 faiz azaldığı vurğulanır.

Mənbə: Geostat.ge