Valyuta ehtiyatı nə qədər artıb?
Mərkəzi Bank iyunun 1-nə valyuta ehtiyatını 9 milyard 175,7 milyon dollar göstərib. Novator.az bildirir ki, 2023-cü il 8 milyard 995,7 milyon dollarla başlayıb, beş ayda 180 milyon dollar artım qeydə alınıb.
Başqa bir hesabata görə, pul bazası (dövriyyədəki pul vəsaitləri və kommersiya banklarının Mərkəzi Bankdakı müxbir hesablarında vəsaitləri) iyunun 1-nə 17 milyard 350,5 milyon manata düşüb. İlin əvvəlindəki göstərici 17 milyard 460,3 milyon manat idi.
