İyunun 2-də fərman imzalayan prezident İlham Əliyev Daxili İşlər Nazirliyinin strukturunu yeniləyib. Sənəd nazirlikdə Kibercinayətkarlıqla Mübarizə Baş İdarəsinin yaradılmasını nəzərdə tutur. Həmin gün verilən sərəncamla daxili işlər orqanları əməkdaşlarının və nazirlik sisteminə işə götürülən mülki işçilərin ştat sayı həddində dəyişikliklər təsdiqlənib.

Novator.az bildirir ki, Daxili İşlər Nazirliyi 1918-ci ildə yaradılıb. 1920-ci ildən 1950-ci illərin ortalarına qədər təhlükəsizlik orqanları ilə bir strukturda fəaliyyət göstərib, Xalq Daxili İşlər Komissarlığı, Birləşmiş Dövlət Siyasi İdarəsi, Xalq Dövlət Təhlükəsizliyi Komissarlığı, Dövlət Təhlükəsizlik Nazirliyi adları daşıyıb.