Sərhəd pozuntuları, tədbirlər
Dövlət Sərhəd Xidmətinin məlumatına görə, 2023-cü ilin mayında dövlət sərhədini pozan 48 nəfər tutulub: “Onların 21-i Azərbaycan, 8-i Nepal, 7-si Hindistan, 4-ü Pakistan, 2-si Ermənistan, 2-si Türkiyə, 1-i Özbəkistan, 1-i Əfqanıstan, 1-i Əlcəzair, 1-i Qana vətəndaşıdır”.
24 nəfərin dövlət sərhədini saxta tarix möhürləri və saxtalaşdırılmış pasportla keçməyə cəhd göstərdiyi, sərhəd rejimi qaydalarını pozan 920 nəfərin saxlanaraq barələrində tədbirlər görüldüyü vurğulanır.
Hesabata əsasən, Azərbaycanda axtarışda olan 286 nəfər aşkarlanaraq aidiyyəti orqanlara təhvil verilib, çıxışı yasaqlanmış 449 nəfərin ölkəni tərk etməsinin, girişi yasaqlanan 19 nəfərin Azərbaycana daxil olmasının qarşısı alınıb.
