Gürcüstan: ÜDM 7,5 faiz artıb
Gürcüstanın Milli Statistika Xidməti makroiqtisadi hesabat yayıb. Novator.az bildirir ki, rəsmi məlumata görə, 2023-cü ilin aprelində ümumi daxili məhsul (ÜDM) ötən ilin eyni ayına nəzərən 7,5 faiz artıb. İxracın 20,4 faiz, idxalın 10 faiz həndəvərində çoxaldığı xəbər verilir.
İqtisadiyyatın yanvar-aprel ayları üzrə orta yüksəlişi 7,3 faiz göstərilir, əsas artımın tikinti, maliyyə və sığorta, nəqliyyat və anbar təsərrüfatı, ticarət, rabitə və informasiya sahələrində qeydə alındığı, emal sənayesi və daşınmaz əmlak sektorlarının enişə getdiyi vurğulanır.
2020-ci ildə ölkədə ÜDM 6,8 faiz azalmış, 2021-ci ildə 10,5 faiz, 2022-ci ildə 10,1 faiz artmışdı.
