“Sabah”, “Neftçi” və “Qəbələ”nin mümkün rəqibləri
UEFA Konfrans Liqasının 2023-2024 mövsümündə Azərbaycanı “Sabah”, “Neftçi” və “Qəbələ” komandaları təmsil edir. Hər üç təmsilçi mübarizəyə ikinci mərhələdən (27 iyul-3 avqust) qoşulur.
Novator.az bildirir ki, zəiflər səbətində yer alan “Sabah” və “Qəbələ”yə Belçikadan “Brügge”, “Gent”, İsveçrədən “Bazel”, Türkiyədən “Fənərbaxça”, “Beşiktaş”, Yunanıstandan PAOK, “Aris”, İsraildən “Makkabi” (Tel-Əviv), “Hapoel” (Beer-Şeva), Çexiyadan “Viktoriya”, Norveçdən “Bode-Qlimt”, “Rusenborq”, Polşadan “Lex”, “Legiya”, İsveçdən “Yurqorden”, Kiprdən APOEL, AEK, “Omoniya”, Xorvatiyadan “Riyeka”, “Osiyek”, Portuqaliyadan “Gimarayeş”, Rumıniyadan “Styaua”, Slovakiyadan “Spartak”, Finlandiyadan KuPS rəqib ola bilər.
Güclülər səbətinə salınan “Neftçi”nin mümkün rəqibləri bunlardır: “Voyvodina” (Serbiya), “Lüsern” (İsveçrə), “Bohemians” (Çexiya), “Beytar”(Yerusəlim, İsrail), “Hammarbü”, “Kalmar” (İsveç), “Kauno Jalgiris” (Litva), “Poqon” (Polşa), “Zalaeqerseq”, “Keçkemet”, “Debretsen” (Macarıstan), “Sepsi” (Rumıniya) , “Borats” (Bosniya), “Ordabası”, “Aktobe” (Qazaxıstan), “Selye” (Sloveniya), “Differdanj” (Lüksemburq), “Torpedo-BelAZ” (Belarus).
