Neftsiz ixrac 21,2 faiz artıb
İqtisadi İslahatların Təhlili və Kommunikasiya Mərkəzi bildirir ki, 2023-cü ilin yanvar-aprel aylarında Azərbaycandan 1,2 milyard ABŞ dolları dəyərində qeyri-neft ixracı rəsmiləşib, göstərici 2022-ci ilin eyni dövrü ilə müqayisədə 21,2 faiz artıb.
Elektrik enerjisi 313,7 milyon dollarla birinci, pomidor 54,2 milyon dollarla ikinci, meşə fındığı 47,2 milyon dollarla üçüncü yerdə göstərilir.
Əsas istiqamətlər siyahısının ilk beşliyində Türkiyə (405,4 milyon dollar), Rusiya (285,2 milyon dollar), Gürcüstan (142,6 milyon dollar), İsveçrə (49,2 milyon dollar), Qazaxıstan (34,5 milyon dollar) qərar tutur.
