Latviyada yeni prezident seçildi
Latviya parlamenti – Seym mayın 31-də yeni prezident seçib: Edqars Rinkeviçs. Novator.az-ın məlumatına görə, 100 nəfərlik qanunverici orqanda 52 səs alan Edqars Rinkeviçs səlahiyyətlərinin icrasına iyulun 8-də başlayacaq.
1973-cü il təvəllüdlü Edqars Rinkeviçs 2011-ci ildən xarici işlər naziri postu tutub.
2019-cu ildən Latviyaya Eqils Levits prezidentlik edir.
Latviyada hökumət Seymə seçkinin nəticələri əsasında qurulur. Hazırda baş nazir kürsüsündə Krişyanis Karinş əyləşir.
