Arif Hacılı Stokholmda çıxış edib
Müsavat Partiyasının başqanı Arif Hacılı Avropanın liberal demokrat partiyalarını birləşdirən ALDE alyansının konqresindən qayıdıb. Mayın 26-28-i İsveçin paytaxtı Stokholmda keçirilmiş konqresdə Avropa və postsovet məkanı ölkələrinin siyasi partiya liderləri iştirak edib.
Arif Hacılı yazır ki, başqan müavini Səxavət Soltanlı ilə birgə qatıldığı konqresdə “Ukrayna müharibəsinin Cənubi Qafqaz ölkələrinin inkişaf perspektivlərinə mümkün təsirləri” mövzulu dinləmədə məruzə ilə çıxış edib: “Azərbaycan həqiqətləri, Qarabağ nizamlanması prosesinin gerçək mənzərəsi və digər mühüm məsələlər barədə ətraflı danışdım, siyasətçilərin, ictimai xadimlərin, jurnalistlərin suallarına cavab verdim”.
