GünAzTV-nin hədəfləri
Güney Azərbaycan Televiziyasının qurucusu Əhməd Obalı mayın 17-si ABŞ-ın Kaliforniya ştatının Santa Klara şəhərindəki mehmanxanaların birində vəhşicəsinə döyülüb. Bir neçə nəfərin hücumuna məruz qalan jurnalistin ağır vəziyyətdə xəstəxanaya yerləşdirilməsi xəbəri mayın 21-də yayılıb. Məlumata görə, Əhməd Obalıya qəsd edilən gün onun oğlu Dəniz Obalı Santa Klaranın başqa bir məkanında hücuma məruz qalıb, o da xəstəxanaya düşüb.
Novator.az bildirir ki, Güney Azərbaycan Televiziyası (GünAzTV) 2004-cü ildə təsis olunub. Müxtəlif peyklərlə Avropa, Asiya, Afrikada yayımlanan telekanalın baş ofisi ABŞ-ın Çikaqo şəhərində yerləşir.
Kanalı Gunaz.tv saytından da izləmək mümkündür.
GünAzTV-nin hədəfləri bunlardır: İranda irqçilik və hökumətin ayrı-seçkilik siyasətinə qarşı dinc və mədəni fəaliyyət; Azərbaycan türkləri və İranın digər bölgələrində yaşayan türklərin mədəni soyqırımına və dil assimilyasiyasına qarşı mübarizə; Güney Azərbaycan türklərinə demokratiya, insan hüquqları, söz və əqidə azadlığı mövzularında gerçək informasiya çatdırmaq.
Telekanalın Bakıda da ofisi var.
