Böyük altılıq
UEFA-nın klub turnirlərində 2022-2023 mövsümü finallara yön alıb. Mübarizəni 3 ölkənin 6 komandası davam etdirir: İtaliya turnirlərdə 3, İngiltərə 2, İspaniya 1 komanda ilə təmsil olunur.
Çempionlar Liqasının finalında (10 iyul, İstanbul) “Mançester Siti” ilə “İnter” (İtaliya) görüşəcək. 1955-ci ildən keçirilən, 1991-ci ilə qədər Çempionlar kuboku adlanmış turnirdə “İnter” (İtaliya) 3 zəfər qazanıb.
Avropa Liqasının finalına (31 may, Budapeşt) “Sevilya” və “Roma” çıxıb. 1971-ci ildən keçirilən, 2008-ci ilədək UEFA kuboku adlanmış turnirdə “Sevilya” 6 uğur əldə edib.
Konfrans Liqasının finalına (7 iyun, Praqa) “Fiorentina” ilə “Vest Hem” düşüb.
2021-ci ildən keçirilən turnirin yeganə qalibi “Roma”dır.
Novator.az bildirir ki, UEFA-nın klub reytinqinin ilk beşliyində İngiltərə, İspaniya, Almaniya, İtaliya və Fransa qərar tutur. Reytinq klub turnirlərində son beş mövsümdə qazanılan əmsala əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Qrup mərhələsi və sonrakı raundlar üçün 1-5 arası bonus xalları da var. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
