Sahələr üzrə orta maaş
Dövlət Statistika Komitəsi 2023-cü il aprelin 1-nə Azərbaycanın muzdlu işçilərinin orta aylıq nominal əməkhaqqını 901,3 manat göstərib. Hesabata görə, neft-qaz sektorunda orta maaş 3878, qeyri neft-qaz sektorunda 843, dövlət müəssisələrində 855, özəl müəssisələrdə 952 manatı ötüb.
Novator.az bildirir ki, mədən sənayesində orta aylıq nominal əməkhaqqı 3719, maliyyə və sığorta fəaliyyətində 2053, informasiya və rabitə sektorunda 1537, peşə fəaliyyəti, elmi və texniki fəaliyyətdə 1455, nəqliyyat və anbar təsərrüfatında 1190, dövlət idarəetməsi, müdafiə, sosial təminat sahələrində 1258, tikintidə 1030 manatdan çoxdur.
Elektrik enerjisi, qaz və buxar istehsalı, bölüşdürülməsi və təchizatında 926, emal sənayesində 826, daşınmaz əmlakla əlaqədar əməliyyatlarda 824, əhaliyə səhiyyə xidməti və sosial xidmətlərin göstərilməsində 782, istirahət, əyləncə və incəsənət sahəsində 723, turistlərin yerləşdirilməsi və ictimai iaşədə 709, təhsildə 687, su təchizatı, tullantıların təmizlənməsi və emalında 683, ticarət və nəqliyyat vasitələrinin təmiri sahələrində 614, inzibati və yardımçı xidmətlərin göstərilməsində 543, kənd təsərrüfatı, meşə təsərrüfatı və balıqçılıqda 528 manatdan yuxarı orta maaş rəsmiləşib.
Ölkədə minimum aylıq əməkhaqqı 345 manatdır.
Mayın 1-nə iqtisadi fəal əhalinin 4 milyon 910,7 min nəfəri məşğul şəxs, 293,2 min nəfəri işsiz kimi qeydə alınıb, ilin birinci rübündə 17,9 min yeni iş yeri açılıb, 4,2 min iş yeri bağlanıb.
