Neftsiz ixracın öncül məhsul və ünvanları
Azərbaycan 2023-cü ilin yanvar-aprel aylarında 1 milyard 187,2 milyon dollarlıq qeyri-neft məhsulu ixrac edib. Novator.az bildirir ki, elektrik enerjisi ixracı 313,6, meyvə-tərəvəz ixracı 161, plastmas və ondan hazırlanan məmulatlar ixracı 160,7, kimya sənayesi məhsulları ixracı 90,4, alüminium və ondan hazırlanan məmulatlar ixracı 73,4 milyon dollarla ilk beşlikdə göstərilir.
Hesabatı yayan Dövlət Gömrük Komitəsi qeyri-neft ixracında əsas ünvanları belə sıralayır: Türkiyə, Rusiya, Gürcüstan, İsveçrə, Qazaxıstan, Türkmənistan, Ukrayna, İtaliya, Belçika, Özbəkistan, Rumıniya, Almaniya.
