İdxalda əsas məhsullar
Dövlət Gömrük Komitəsi 2023-cü ilin yanvar-aprel aylarında idxalın dəyərini 5,3 milyard dollara yaxın göstərib. Novator.az bildirir ki, maşın, mexanizm, elektrik aparatları, avadanlıqlar və onların hissələri üzrə 929,8, nəqliyyat vasitələri və onların hissələri üzrə 787,7, yeyinti məhsulları üzrə 748,2 milyon dollarlıq idxal qeydə alınıb.
Qalan əsas idxal məhsulları belə sıralanır: qara metallar və onlardan hazırlanan məmulatlar – 308,9 milyon dollar, əczaçılıq məhsulları – 237,9 milyon dollar, plastmas və onlardan hazırlanan məmulatlar – 168,6 milyon dollar, oduncaq və ondan hazırlanan məmulatlar – 131,4 milyon dollar, geyim və geyim ləvazimatı – 107 milyon dollar, mebel və onun hissələri – 45,3 milyon dollar, tütün və tütün məmulatları – 33,1 milyon dollar, gübrə – 24 milyon dollar.
