Hansı ölkələr Azərbaycandan neft alır?
Dövlət Gömrük Komitəsinin hesabatına görə, Azərbaycan 2023-cü ilin yanvar-aprel aylarında 5,7 milyard dollarlıq xam neft və xam neft məhsulu ixrac edib. Novator.az bildirir ki, ixrac ünvanları statistik dəyər baxımından belə sıralanıb: İtaliya, Hindistan, İspaniya, İsrail, Türkiyə, Çexiya, Almaniya, Yunanıstan, Avstriya, İrlandiya, Rumıniya, Sinqapur, Vyetnam, İndoneziya, Fransa, Portuqaliya, Xorvatiya, Tailand.
Energetika Nazirliyinin 18 may məlumatında “AzəriLayt” markalı Azərbaycan neftinin barrelinin 79,22 dollara satıldığı qeyd olunur.
2023-cü ilin dövlət büdcəsində bir barrel neft 50 dollardan götürülüb, “AzəriLayt” yanvara 87,99, fevrala 87,53, marta 85,01, aprelə 81,88, maya 79,04 dollarla başlayıb.
Yanvar-aprel aylarında ölkədə 10,2 milyon ton neft çıxarılıb. Gündəlik xam neft hasilatı yanvarda 533 min barrel, fevralda 531 min barrel, martda 515 min barrel, apreldə 512 barrel göstərilib.
Beynəlxalq razılaşma gündəlik hasilat həddini 684 min barrel müəyyən edib.
