Xarici valyuta satışı 6 dəfə azalıb
Mərkəzi Bank pul siyasəti icmalı yayıb. Novator.az bildirir ki, hesabata görə, 2023-cü ilin ilk rübündə nağdsız valyuta bazarında əməliyyatların həcmi 6,8 milyard ABŞ dolları ekvivalentində olub, onların 80,6 faizi ABŞ dollarında, 19,4 faizi başqa valyutalarda aparılıb.
Statistikaya əsasən, bankların nağd xarici valyuta üzrə əməliyyatlarının həcmi ötən ilin ilk rübünə nəzərən 19,7 faiz azalaraq 971 milyon ABŞ dolları ekvivalentində olub, bunun 83,1 faizi ABŞ dolları ilə əməliyyatların payına düşüb, xarici valyutanın xalis satışı 6 dəfə azalıb.
Rüb ərzində manatın məzənnəsinin Türkiyə lirəsi, Rusiya rublu, İngiltərə funt sterlinqinə qarşı yüksəldiyi, avro, Qazaxıstan təngəsi, İsveçrə frankı, Yaponiya yeni və Gürcüstan larisinə qarşı düşdüyü vurğulanır.
Açıqlamaya əsasən, 2023-cü ilin əvvəlindən manatın qeyri-neft ümumi ticarət çəkili nominal effektiv məzənnəsi 3,5 faiz, real effektiv məzənnəsi 2,7 faiz möhkəmlənib.
