Ticarət açıqlamaları
Dövlət Statistika Komitəsinin hesabatına görə, 2023-cü ilin yanvar-aprel aylarında Azərbaycanın pərakəndə ticarət şəbəkəsində istehlakçılara 16,4 milyard manatlıq mal və məhsul satılıb, dövriyyə ötən ilin eyni dövrünə nəzərən real ifadədə 2,9 faiz artıb, alınan mallara xərclənən vəsaitin 52,7 faizi ərzaq məhsullarının, 4,9 faizi içkilər və tütün məmulatlarının payına düşüb.
Başqa bir rəsmi açıqlamaya əsasən, yanvar-mart aylarında Azərbaycanın hüquqi və fiziki şəxsləri 171 ölkədəki tərəfdaşları ilə ticarət əməliyyatları aparıb, 89 ölkəyə ixrac, 165 ölkədən idxal qeydə alınıb, ötən ilin ilk rübü ilə müqayisədə dövriyyə faktiki qiymətlərlə 0,1 faiz, real ifadədə 5,1 faiz, idxal 13,7 faiz, ixrac 2,4 faiz artıb.
