“Avroviziya” finalçıları
Böyük Britaniyanın Liverpul şəhərində keçirilən “Avroviziya 2023” mahnı müsabiqəsinin bütün finalçıları bəllidir. Novator.az-ın məlumatına görə, ikinci yarımfinalı (11 may) bu iştirakçılar dəf edib: Albaniya – Albina Kelmendi və ailəsi, Kipr – Endrü Lambrou, Estoniya – Alika Milova, Belçika – Stef Kaers, Avstriya – Teodora Spiriç və Selina-Maria Edbauer, Litva – Monika Linkite, Polşa – Blanka Staykov, Avstraliya – “Voyager” qrupu, Ermənistan – Elen Yeremyan, Sloveniya – “Joker Out” qrupu.
İlk yarımfinalda (9 may) bu iştirakçılar uğur qazanmışdı: Xorvatiya – “Let 3” qrupu, Moldova – Pavel Parfeni, İsveçrə – Remo Forrer, Finlandiya – Yere Pöyhönen, Çexiya – “Vesna” qrupu, İsrail – Noa Kirel, Portuqaliya – Marisa Mena, İsveç – Lorin (Zeynəb Nora Təlhavi), Serbiya – Luka İvanoviç, Norveç – Alessandra Mele və “Queen of Kings” qrupu.
Almaniyadan “Lord of the Lost” qrupu, Böyük Britaniyadan Mey Müller, Fransadan Fatimə Zəhra Hafdi, İspaniyadan Blanka Paloma, İtaliyadan Marko Menqoni, Ukraynadan Andrey Qusulyak və Ceffri Kenni finala (13 may) birbaşa vəsiqə alıblar.
İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç, Ukrayna 3, Almaniya, Avstriya, İspaniya, İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Azərbaycan 13 yarışda finala çıxıb. 2008-ci ildə Elnur Hüseynov və Samir Cavadzadə 8-ci yeri, 2009-cu ildə Aysel Teymurzadə və Araş 3-cü yeri, 2010-cu ildə Səfurə Əlizadə 5-ci yeri, 2011-ci ildə Nigar Camal və Eldar Qasımov 1-ci yeri, 2012-ci ildə Səbinə Babayeva 4-cü yeri, 2013-cü ildə Fərid Məmmədov 2-ci yeri, 2014-cü ildə Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri, 2019-cu ildə Çingiz Mustafayev 8-ci yeri, 2021-ci ildə Samirə Əfəndi 20-ci yeri, 2022-ci ildə Nadir Rüstəmli 16-cı yeri tutub.
2018-ci ildə Aysel Məmmədova, 2023-cü ildə Tural və Turan Bağmanovlar yarımfinalda ələniblər.
