Sərməyə nə qədər artıb?
2023-cü ilin yanvar-aprel aylarında Azərbaycanda əsas kapitala 4 milyard 580 milyon manat məbləğində, 2022-ci ilin eyni dövrü ilə müqayisədə 21,1 faiz çox vəsait yönəldilib. Novator.az-ın məlumatına görə, hesabatı yayan Dövlət Statistika Komitəsi bildirir ki, neft-qaz sektoruna investisiyalar 25,8 faiz, qeyri neft-qaz sektoruna yönəldilən vəsait 18,5 faiz artıb.
Sərmayənin 57,2 faizinin məhsul istehsalı sahələrinə, 37,2 faizinin xidmət sahələrinə, 5,6 faizinin yaşayış evlərinin tikintisinə sərf olunduğu vurğulanır, vəsaitin ümumi dəyərində müəssisə və təşkilatların payı 47,1 faiz, büdcə vəsaitləri 36,7 faiz, əhalinin şəxsi vəsaitləri 6,8 faiz, bank kreditləri 3,7 faiz, başqa vəsaitlər 5,7 faiz göstərilir.
