Türkiyə seçkilərinin bir mərhələsi də bitdi
Türkiyədə parlament və prezident seçkilərinin daha bir mərhələsi bitib. Novator.az bildirir ki, Ali Seçki Qurumunun hesabatına görə, xaricdə yaşayan Türkiyə vətəndaşları üçün aprelin 27-dən mayın 9-dək keçirilmiş səsverməyə 1 milyon 817 min 10 nəfər qatılıb.
Sərhəd məntəqələrində səsvermə əsas seçki günü – mayın 14-də bitəcək.
Seçkilərdə 64,1 milyon nəfərin səsvermə hüququ var, onların 3,4 milyon nəfəri xaricdədir. Prezident seçkisi ikinci tura (28 may) qaldığı halda xaricdəki seçicilər 20-24 mayda səs verəcək.
Millət Partiyası, Haqq və Azadlıqlar Partiyası, Gənc Partiya, Məmləkət Partiyası, Ədalət-Birlik Partiyası, Ana Vətən Partiyası, Yenilik Partiyası, Xalqın Qurtuluş Partiyası, Milli Yol Partiyası, Vətən Partiyası, Güc Birliyi Partiyası parlament seçkisinə təkbaşına qoşulub.
Sosialist Güc Birliyi ittifaqında Türkiyə Kommunist Partiyası, Türkiyə Kommunist Hərəkatı, Sol Partiya; Xalq ittifaqında Böyük Birlik Partiyası, Ədalət və İnkişaf Partiyası (siyahısında Demokratik Sol Partiyadan və Hür Dava Partiyasından da namizədlər var), Yenidən Rifah Partiyası, Milliyyətçi Hərəkat Partiyası; Əmək və Azadlıq ittifaqında Yaşıllar və Sol Gələcək Partiyası (siyahısında ittifaqdakı Əmək Partiyası və Xalqların Demokratik Partiyasından da namizədlər var), Türkiyə Fəhlə Partiyası; Millət ittifaqında Cümhuriyyət Xalq Partiyası (siyahısında ittifaqdakı Gələcək Partiyası, Demokrat Partiyası, Demokratiya və Sıçrayış Partiyası, Səadət Partiyasından, həmçinin Türkiyə İslahat Partiyasından da namizədlər var), Yaxşı Partiya; Ata ittifaqında Ədalət Partiyası, Zəfər Partiyası bir araya gəlib.
600 nəfərlik parlamentə ölkə üzrə etibarlı səslərin azı 7 faizini qazanan partiya düşə bilər. İttifaqlarda bir partiyanın həmin həddə çatması kifayətdir.
Ali Seçki Qurumu 151 müstəqil namizədi də qeydə alıb.
Prezidentliyə dörd iddiaçı var: dövlət başçısı, Ədalət və İnkişaf Partiyasının lideri Rəcəb Teyyub Ərdoğan – Xalq ittifaqının namizədi; Məhərrəm İncə – lideri olduğu Məmləkət Partiyasının namizədi; millət vəkili, Cümhuriyyət Xalq Partiyasının lideri Kamal Kılıçdaroğlu – Millət ittifaqının namizədi; müstəqil siyasətçi Sinan Oğan – Ata ittifaqının namizədi.
İlk turda prezident seçilmək üçün etibarlı səslərin 50 faizindən çoxunu almaq tələb olunur, əks halda ən çox səs yığmış iki namizəd ikinci tura çıxır.
Türkiyədə seçki marafonu, ilkin iddiaçılar
Türkiyə prezidentliyinə namizədlər
Türkiyə: dördlüyün yolu açıldı
Seçki yarışında hansı qurumlar var?
Türkiyədə yolayrıcı (Azərbaycandan baxış)
Türkiyə: bir partiya seçkidən çəkildi
Prezident seçkisinin bülleteni
Türkiyə: neçə nəfər səs verə bilər?
Türkiyə parlamentinə rəsmi iddiaçılar
Türkiyə: partiyaların namizəd dairəsi
Xaricdəki Türkiyə nə vaxt səs verir?
