“Avroviziya 2023”: ilk yarımfinalı kimlər keçdi?
Böyük Britaniyanın Liverpul şəhərinin ev sahibliyi etdiyi “Avroviziya 2023” beynəlxalq mahnı müsabiqəsində ilk yarımfinal arxada qalıb. Novator.az-ın məlumatına görə, mayın 9-da bu iştirakçılar finala adlayıb:
Xorvatiya – “Let 3” qrupu
Moldova – Pavel Parfeni
İsveçrə – Remo Forrer
Finlandiya – Yere Pöyhönen
Çexiya – “Vesna” qrupu
İsrail – Noa Kirel
Portuqaliya – Marisa Mena
İsveç – Lorin (Zeynəb Nora Təlhavi)
Serbiya – Luka İvanoviç
Norveç – Alessandra Mele və “Queen of Kings” qrupu.
Azərbaycan təmsil edən əkiz qardaşlar – Tural və Turan Bağmanovlar ələnib.
İkinci yarımfinal mayın 11-nə təyin olunub:
Danimarka – Rani Petersen
Ermənistan – Elen Yeremyan
Rumıniya – Teodor Andrei
Estoniya – Alika Milova
Belçika – Stef Kaers
Kipr – Endrü Lambrou
İslandiya – Dilya Petursdottir
Yunanıstan – Viktor Vernikos
Polşa – Blanka Staykov
Sloveniya – “Joker Out” qrupu
Gürcüstan – İrina Xeçanova
San Marino – “Piqued Jacks” qrupu
Avstriya – Teodora Spiriç və Selina-Maria Edbauer
Albaniya – Albina Kelmendi və ailəsi
Litva – Monika Linkite
Avstraliya – “Voyager” qrupu.
Almaniya (“Lord of the Lost” qrupu), Böyük Britaniya (Mey Müller), Fransa (Fatimə Zəhra Hafdi), İspaniya (Blanka Paloma), İtaliya (Marko Menqoni), Ukrayna (Andrey Qusulyak və Ceffri Kenni) finala (13 may) birbaşa vəsiqə alıblar.
İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç, Ukrayna 3, Almaniya, Avstriya, İspaniya, İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Azərbaycan 2023-cü ilədək qatıldığı 14 yarışın 13-də finala çıxıb. 2008-ci ildə Elnur Hüseynov və Samir Cavadzadə 8-ci yeri, 2009-cu ildə Aysel Teymurzadə və Araş 3-cü yeri, 2010-cu ildə Səfurə Əlizadə 5-ci yeri, 2011-ci ildə Nigar Camal və Eldar Qasımov 1-ci yeri, 2012-ci ildə Səbinə Babayeva 4-cü yeri, 2013-cü ildə Fərid Məmmədov 2-ci yeri, 2014-cü ildə Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri, 2019-cu ildə Çingiz Mustafayev 8-ci yeri, 2021-ci ildə Samirə Əfəndi 20-ci yeri, 2022-ci ildə Nadir Rüstəmli 16-cı yeri tutub.
“Avroviziya 2018”dəki təmsilçi Aysel Məmmədova yarımfinalda ələnib.
