Məhkəmə ekspertləri: reyestr qaydaları təsdiqlənib
Nazirlər Kabineti məhkəmə ekspertlərinin reyestrinin aparılması qaydalarını təsdiqləyib. Reyestr Ədliyyə Nazirliyinin formalaşdırıb apardığı, idarə etdiyi məlumat bazasıdır. Qaydaya görə, məhkəmə eksperti barədə məlumatlar məhkəmə eksperti şəhadətnaməsini verən dövlət orqanının müşayiət məktubu ilə, onları təsdiqləyən sənədlər əlavə edilməklə reyestrə təqdim olunur. Təqdim edilmiş məlumatlar Ədliyyə Nazirliyinə daxil olduğu gündən 1 iş günü müddətində yoxlanır və çatışmazlıqlar aşkar edilmədikdə dərhal reyestrə daxil edilir.
Reyestr üç bölmədən ibarətdir: məhkəmə ekspertizası idarələrinin ekspertləri; özəl məhkəmə ekspertləri; məhkəmə eksperti şəhadətnaməsi ləğv edilmiş şəxslər.
Reyestr açıqdır, Ədliyyə Nazirliyinin rəsmi internet səhifəsində yerləşdirilir və məlumatlar daim yenilənir.
Novator.az bildirir ki, “Məhkəmə ekspertizası fəaliyyəti haqqında” qanuna görə, ali təhsilli və müəyyən ekspertiza ixtisası üzrə xüsusi biliklərə alik Azərbaycan vətəndaşı məhkəmə eksperti ola bilər.
Şəxs məhkəmə eksperti qismində fəaliyyət göstərmək üçün məhkəmə eksperti şəhadətnaməsi almalıdır.
