Məhbus cəbhəçi: qərar mayın 16-na qaldı
Mayın 2-də Ali Məhkəmə AXCP üzvü Pünhan Kərimovun şikayətinə baxıb. Novator.az-ın məlumatına görə, prosesdə çıxış edən vəkil Cavad Cavadov cəbhəçiyə bəraət istəyib, dövlət ittihamçısı buna qarşı çıxıb. Yekun qərarın mayın 16-da verilməsi gözlənir.
Pünhan Kərimov 2018-ci il oktyabrın 8-də mühacirətə gedib, ancaq sığınacaq ala bilməyib, 2021-ci il noyabrın 24-də Almaniyadan Azərbaycana qaytarılıb.
2022-ci il yanvarın 25-i Bakıda həbs edilən Pünhan Kərimov satış məqsədi ilə qanunsuz olaraq külli miqdarda narkotik vasitə saxlamada təqsirli bilinib. İyulun 27-də Bakı Ağır Cinayətlər Məhkəməsi ona 6 il azadlıqdan məhrumetmə cəzası kəsib, oktyabrın 3-də Bakı Apellyasiya Məhkəməsi cəzanı 5 ilə endirib.
Cəbhəçi və müdafiəçiləri ittihamı saxta sayır.
