Rəsmi: neftsiz ixrac 23,2 faiz artıb
İqtisadi İslahatların Təhlili və Kommunikasiya Mərkəzinin hesabatına görə, 2023-cü ilin yanvar-mart aylarında Azərbaycanın qeyri-neft ixracı 2022-ci ilin eyni dövrü ilə müqayisədə 23,2 faiz artaraq 912,2 milyon ABŞ dollarına çatıb.
Elektrik enerjisi ixracı 281,1 milyon dollarla birinci, meşə fındığı ixracı 37 milyon dollarla ikinci, ilkin formalı polipropilen ixracı 36 milyon dollarla üçüncü yerdə göstərilir.
Əsas ünvanların ilk beşliyində bu ölkələr yer alır: Türkiyə (339,9 milyon dollar), Rusiya (200,7 milyon dollar), Gürcüstan (109,2 milyon dollar), İsveçrə (29,7 milyon dollar), Qazaxıstan (27,6 milyon dollar).
