Gürcüstan: hər 100 qadına 92 kişi düşür
2022-ci ildə Gürcüstan əhli 1,3 faiz artıb. Novator.az-ın məlumatına görə, hesabatı yayan Milli Statistika Xidməti 2023-cü il yanvarın 1-nə əhalinin sayının 3 milyon 736,4 min nəfərə çatdığını bəyan edib.
Orta yaşın 38 göstərildiyi statistikaya əsasən, əhalinin 20,7 faizi 14 yaşadək, 63,8 faizi 15-64 yaş arasında, 15,6 faizi 65 və daha yuxarı yaşlı şəxslərdir.
Açıqlamada qeyd olunur ki, ölkədə hər 100 qadına 92 kişi düşür.
Hesabata görə, orta ömür uzunluğu 73,7 ildir, kişilər orta hesabla 69,4 il, qadınlar 78,1 il yaşayır.
