Büdcə yenilik ərəfəsində
Azərbaycan hökuməti 2023-cü ilin dövlət büdcəsinə dəyişikliklər layihəsi hazırlayır. Prezident İlham Əliyev büdcəyə əlavələrin ən azı 3 milyard manat səviyyəsində olacağını bəyan edib.
Novator.az bildirir ki, qüvvədə olan büdcədə 30 milyard 773,9 milyon manatdan çox gəlir, 33 milyard 353,3 milyon manata yaxın xərc nəzərdə tutulur. Xərc istiqamətləri belədir:
iqtisadi fəaliyyət – 6 milyard 891,1 milyon manat;
müdafiə və milli təhlükəsizlik – 5 milyard 331,2 milyon manat;
təhsil – 4 milyard 423,1 milyon manat;
sosial müdafiə və sosial təminat – 4 milyard 415,8 milyon manat;
ümumi dövlət xidmətləri – 3 milyard 808,2 milyon manat;
məhkəmə hakimiyyəti, hüquq mühafizə və prokurorluq – 2 milyard 762,9 milyon manat;
səhiyyə – 1 milyard 906,3 milyon manat;
kənd təsərrüfatı – 1 milyard 202,1 milyon manat;
mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 561,7 milyon manat;
ətraf mühitin mühafizəsi – 371,4 milyon manat;
mənzil və kommunal təsərrüfatı – 350,6 milyon manat;
əsas bölmələrə aid edilməyən xərclər – 1 milyard 328,3 milyon manat.
Maliyyə Nazirliyinin hesabatına görə, birinci rübdə dövlət büdcəsinin gəlirləri 8 milyard 290 milyon manat, xərcləri 6 milyard 566,9 milyon manat məbləğində rəsmiləşib.
