Yaşıl meydanlarda
Avropanın aparıcı milli futbol çempionatları finişə yön alıb. Novator.az bildirir ki, İngiltərə çempionatına 75 xalla “Arsenal” başçılıq edir. “Mançester Siti” 70, “Nyukasl” və “Mançester Yunayted” 59, “Tottenhem” 53 xal yığıb.
İspaniya çempionatında 76 xalla “Barselona” liderdir. “Real” 65, “Atletiko” 60, “Real Sosyedad” 54 xal götürüb.
İtaliya çempionatında “Napoli” öndədir: 78 xal. “Latsio” 61, “Yuventus” 59, “Milan” və “Roma” 56, “İnter” 54 xal qazanıb.
Almaniya çempionatında 60 xalla “Borussiya” (Dortmund) irəli çıxıb. Lideri 59 xalla “Bavariya”, 55 xalla “Union Berlin”, 53 xalla “Frayburq”, 51 xalla “Leypsiq” izləyir.
Fransa çempionatında PSJ 75, “Marsel” 67, “Lans” 66, “Monako” 61 xal toplayıb.
