Bankların bölgələrdə qol-qanadı
Mərkəzi Bank 2023-cü il aprelin 1-nə ölkənin 25 bankının filiallarının sayını 491, şöbələrinin sayını 94 göstərib.
Novator.az-ın məlumatına görə, Mərkəzi Bankın təqdim etdiyi statistikaya əsaslanan Bakı Araşdırmalar İnstitutu bildirir ki, bank filiallarının 45 faizi paytaxtda yerləşir. Bakıda 222 bank filialının fəaliyyət göstərdiyi, 1 bankın ölkənin heç bir bölgəsində filialının olmadığı vurğulanır.
Hesabata əsasən, Gəncədə 24 filial, 2 şöbə, Sumqayıtda 21 filial, 2 şöbə, Xaçmazda 12 filial, 1 şöbə, Lənkəranda 10 filial, Abşeron rayonunda 8 filial, 3 şöbə qeydə alınıb.
