Finlandiya: mərkəzçilər müxalifətə keçir
Finlandiyanın yeni parlamentində təmsil olunan partiyalardan biri koalisiya danışıqlarından imtina edib. Novator.az bildirir ki, aprelin 2-də keçirilmiş parlament seçkisində Milli Koalisiya Partiyası 200 nəfərlik qanunverici orqana 48, Əsl Finlər Partiyası 46, Sosial Demokrat Partiyası 43, Mərkəz Partiyası 23, Yaşıl İttifaq bloku 13, Sol İttifaq 11, İsveç Xalq Partiyası 10, Xristian Demokrat Partiyası 5, “İndi” hərəkatı 1 mandatla düşüb. Ölkədə hökumət parlament seçkisinin nəticələri əsasında formalaşır. Hökumət qurmaq danışıqları Milli Koalisiya Partiyasının lideri Petteri Orpoya həvalə olunub. Baş nazirliyə namizəd bütün partiyalara dəvət göndərərək ilkin proqramını açıqlayıb, təkliflər istəyib. Aprelin 18-də Mərkəz Partiyası danışıqlara qatılmayacağını, müxalifətdə olacağını bəyan edib.
1969-cu il təvəllüdlü Petteri Orpo 2014-2015-ci illərdə kənd və meşə təsərrüfatı naziri, 2015-2016-cı illərdə daxili işlər naziri, 2016-2019-cu illərdə maliyyə naziri olub. Milli Koalisiya Partiyasına 2016-cı ildən liderlik edən Petteri Orpo 2023-cü il aprelin 13-dən parlament sədridir.
Əvvəlki baş nazir Sanna Marin aprelin 6-da istefa verib. Sosial Demokrat Partiyasına lideri Sanna Marinin hökumətində Mərkəz Partiyası, Yaşıl İttifaq bloku, Sol İttifaq və İsveç Xalq Partiyası da təmsil olunurdu.
Finlandiya baş naziri yola salır
