İsveçdə Güney Azərbaycan jurnalı
İsveçin paytaxtı Stokholmda yaşayan güneyli Əlirza Ərdəbilinin redaktor olduğu “Tribun” jurnalı nəşrini bərpa edib. Novator.az-a bu barədə bilgi verən yazıçı-publisist Vahid Qazi deyir ki, “Tribun” 2001-ci ildən yalnız elektron formatda yayılıb: “Uzun aralıqdan sonra çıxan yeni sayda İranda siyasi böhran və onun həm güneylilərin, həm bütövlükdə azərbaycanlıların milli şüuruna, siyasi təfəkkürünə təsirinə dair müəllif yazıları, o cümlədən mənim yazım var. “Tribun” ABŞ, Almaniya, Danimarka, Fransa, İran, İsveç, Kanada və Türkiyədə çalışan tarixçi alimlərin yer aldığı redaksiya heyətinin iştirakı ilə çapa hazırlanıb”.
