Baydenlərin qazancı açıqlanıb
ABŞ prezidenti Cozef Baydenin və həyat yoldaşı Cill Baydenin 2022-ci il üzrə gəlir bəyannamələri açıqlanıb. Novator.az bildirir ki, rəsmi hesabata görə, Baydenlər ötən il 579 min 514 dollar gəlir əldə edib. Bu məbləğin 169 min 820 dolları vergiyə cəlb olunub, 20 min 180 dolları müxtəlif xeyriyyə layihələrinə yönəlib.
Cozef Bayden ildə 400 min dollar maaş, həmçinin pensiya alır.
Cill Bayden Şimali Virciniya İctimai Kollecinin professorudur. Onun 2022-ci ildə 82 min dollar qazandığı xəbər verilir.
1942-ci il təvəllüdlü Cozef Bayden 2021-ci il yanvarın 20-dən prezidentdir. Cill Baydenlə 1977-ci ildə ailə quran Cozef Baydenin bu nikahdan bir qızı var.
Mənbə: Whitehouse.gov
