Azərbaycan nefti nə qədər bahalaşıb?
Energetika Nazirliyinin 19 aprel məlumatına görə, “AzəriLayt” markalı Azərbaycan neftinin barreli 88,60 dollara satılır. Bu, ayın start qiymətindən 6,72 dollar yuxarı qiymətdir.
2023-cü ilin dövlət büdcəsində bir barrel neft 50 dollardan götürülüb, “AzəriLayt” yanvara 87,99, fevrala 87,53, marta 85,01, aprelə 81,88 dollarla başlayıb.
Yanvar-mart aylarında Azərbaycanda 7,7 milyon ton neft çıxarılıb. Gündəlik xam neft hasilatı yanvarda 533 min barrel, fevralda 531 min barrel, martda 515 min barrel göstərilib.
Beynəlxalq razılaşma gündəlik hasilatın maksimum həddini 684 min barrel müəyyən edib.
Dövlət Gömrük Komitəsinin hesabatına görə, Azərbaycan 2023-cü ilin ilk rübündə 4,2 milyard dollarlıq xam neft və xam neft məhsulu ixrac edib.
