Neft Fondunun nəyi var?
Rəsmi hesabata görə, 2023-cü il aprelin 1-nə Dövlət Neft Fondunun (DNF) aktivləri 53 milyard 437,6 milyon ABŞ dollarına çatıb. Yanvar-mart aylarının gəlirləri 7 milyard 643,3 milyon manat, xərcləri 1 milyard 584,3 milyon manat göstərilir.
İlk rübdə 2023-cü ilin dövlət büdcəsinə 1 milyard 576 milyon manat köçürüldüyü, ali təhsil sisteminin beynəlxalq rəqabətliliyinin artırılması proqramına (2019-2023-cü illər) 1,2 milyon manat, gənclərin xarici ölkələrin nüfuzlu ali təhsil müəssisələrində təhsil almaları proqramına (2022-2026-cı illər) 2 milyon manat yönəldildiyi, qurumun idarə edilməsinə 5,1 milyon manat xərcləndiyi vurğulanır.
