![]({"full":{"0":"2018\/09\/UEFA.jpg","1":756,"2":503,"3":false,"file":"https:\/\/novator.az\/wp-content\/uploads\/2018\/09\/UEFA.jpg"}})
Klub turnirlərinin yeni formatı, ilkin sxemlər
2024-2025 mövsümündən UEFA-nın klub turnirlərinin əsas raundunda vahid liqa sistemi tətbiq olunacaq, qruplarda 36 komanda yarışacaq. Novator.az ilkin sxemlərə nəzər salıb
Çempionlar Liqasına 84 komanda buraxılır. 29 komanda qrupa birbaşa vəsiqə alır, qalan 7 bilet təsnifatlara çıxarılır. 5 vəsiqə dörd mərhələdən ibarət çempionlar yolu ilə, 2 vəsiqə üç mərhələdən ibarət liqalar yolu ilə əldə olunur.
Birinci mərhələdə ələnən komandalar Konfrans Liqasına, sonrakı mərhələlərdə uduzanlar Avropa Liqasına köçür.
Azərbaycan çempionu çempionlar yolunun ilk mərhələsində start götürür.
Avropa Liqasına 46 komanda dəvət alır. Qrupa 13 birbaşa vəsiqə var. Dörd təsnifat mərhələsinin hər birində ələnənlər Konfrans Liqasına adlayır.
Azərbaycan çempionatının gümüş mükafatçısı turnirə birinci mərhələdən başlayır.
Konfrans Liqasına 113 komanda vəsiqə alır. Qrup yolunda dörd təsnifat mərhələsi var. Azərbaycan kubokunun sahibi və ölkə çempionatının bürünc mükafatçısı turnirə ikinci mərhələdən başlayır.
Hər üç turnirin qruplarında ilk 8 pilləni tutan komandalar növbəti mərhələyə vəsiqə alacaq, 9-24-cü yerlərdəki komandalar bundan ötrü daha iki oyun (evdə və səfərdə) keçirəcək.
Hazırda Çempionlar Liqası, Avropa Liqası və Konfrans Liqasının əsas mərhələlərində 32 komanda yer alır, onlar 8 qrupa bölünərək iki dövrədə yarışırlar. Azərbaycan çempionu Çempionlar Liqasının qrupuna düşmək üçün dörd mərhələ keçməlidir. Gümüş və bürünc mükafatçılar, ölkə kubokunun sahibi Konfrans Liqasında yer alır, turnirə ikinci mərhələdən qoşulur.