Finlandiya: baş nazirliyə kim iddia edir?
Finlandiyada yeni hökumət qurulması üzrə danışıqlar gedir. Novator.az bildirir ki, baş nazir postuna Milli Koalisiya Partiyasının lideri Petteri Orpo namizəddir. 1969-cu il təvəllüdlü Petteri Orpo 2014-2015-ci illərdə kənd və meşə təsərrüfatı naziri, 2015-2016-cı illərdə daxili işlər naziri, 2016-2019-cu illərdə maliyyə naziri olub. Milli Koalisiya Partiyasına 2016-cı ildən liderlik edən Petteri Orpo 2023-cü il aprelin 13-dən parlament sədridir.
Ölkədə hökumət parlament seçkisinin nəticələri əsasında formalaşır. Aprelin 2-də keçirilmiş parlament seçkisində Milli Koalisiya Partiyası 200 nəfərlik qanunverici orqana 48 mandatla düşüb. Hökumət qurmaq üçün başqa partiyaların dəstəyinə ehtiyac var.
Əvvəlki baş nazir Sanna Marin aprelin 6-da istefa verib. Sosial Demokrat Partiyasına liderlik edən 1985-ci il təvəllüdlü Sanna Marin 2019-cu ildən baş nazir olub.
