18 aprel ziyarətləri
Prezident İlham Əliyev və birinci vitse-prezident Mehriban Əliyeva aprelin 18-də Neftçala rayonuna səfər ediblər. AZƏRTAC xəbər verir ki, onlar Neftçala Olimpiya İdman Kompleksinin, Neftçala-Kürkənd-2 nömrəli Mayak avtomobil yolunun, Bankə qəsəbəsində 2 saylı tam orta məktəbin açılışlarında iştirak ediblər, Yenikənd kəndində “Azerbaijan Fish Farm” MMC-nin Nərə Damazlıq Təsərrüfatında yaradılan şəraitlə tanış olublar.
İlham Əliyev və Mehriban Əliyeva Salyan rayonuna da baş çəkiblər. Onlar Salyan Rayon Mərkəzi Xəstəxanasının Doğum Evində və Uşaq Poliklinikasında əsaslı təmirdən sonra yaradılan şəraitlə tanış olublar, prezident “Azərişıq” ASC-nin Salyan Rəqəmsal İdarəetmə Mərkəzinin və “ASAN xidmət” Mərkəzinin açılışını edib, sonra Azərbaycan Televiziyasına müsahibə verib.
