Üç ayın əsas tərəfdaşları
2023-cü ilin yanvar-mart aylarında Azərbaycanın İtaliya ilə ticarət dövriyyəsi 2 milyard 973,2 milyon dollar göstərilib.
Novator.az bildirir ki, Türkiyə 1 milyard 621,4 milyon dollarla ikinci, Rusiya 1 milyard 57,2 milyon dollarla üçüncü tərəfdaş olub.
Dövlət Gömrük Komitəsinin hesabatına görə, Çinlə 625 milyon, Almaniya ilə 461,2 milyon, İsraillə 450 milyon, İspaniya ilə 415,7 milyon, Yunanıstanla 373,7 milyon, Hindistanla 370,3 milyon, Rumıniya ilə 317,3 milyon, Çexiya ilə 293,6 milyon, Fransa ilə 291,9 milyon, Gürcüstanla 273,1 milyon, Türkmənistanla 211,8 milyon, Avstriya ilə 170,2 milyon dollarlıq ticarət rəsmiləşib.
