Səfərbərlik qurumunda yeni rəhbər
Arzu Yusif oğlu Rəhimov Səfərbərlik və Hərbi Xidmətə Çağırış üzrə Dövlət Xidmətinin rəisi vəzifəsindən azad edilib, həmin posta Mürsəl Qorxmaz oğlu İbrahimov təyinat alıb. Prezident İlham Əliyev sərəncamları aprelin 17-də imzalayıb.
Novator.az bildirir ki, Arzu Rəhimov 1964-cü ildə Naxçıvan şəhərində doğulub. Novosibirsk Ali Hərbi Siyasi Ümumqoşun Məktəbini bitirib.
1986-1989-cu illərdə SSRİ Silahlı Qüvvələrində xidmət edib.
1992-ci ildən Azərbaycanın Sərhəd Qoşunlarında baş zabit vəzifəsindən hərbi hissə komandiri vəzifəsinədək yüksəlib, 2004-cü ildən Sərhəd Qoşunları Baş Qərargahı rəisinin birinci müavini, 2006-cı ildən Dövlət Sərhəd Xidməti rəisinin birinci müavini-Sərhəd Qoşunları Baş Qərargahının rəisi olub.
2007-2012-ci illərdə Dövlət Miqrasiya Xidmətinin rəisi vəzifəsini tutub.
13 fevral 2012-ci ildən Səfərbərlik və Hərbi Xidmətə Çağırış üzrə Dövlət Xidmətinin rəisi idi.
General-polkovnikdir.
