Maliyyə Nazirliyindən büdcə və borc açıqlaması
Maliyyə Nazirliyinin hesabatına görə, 2023-cü ilin birinci rübündə dövlət büdcəsinin gəlirləri 8 milyard 290 milyon manat, xərcləri 6 milyard 566,9 milyon manat məbləğində rəsmiləşib, 1 milyard 723,1 milyon manat artıqlıq yaranıb.
Daxilolmaların 59,1 faizi Dövlət Vergi Xidmətinin, 19 faizi Dövlət Neft Fondunun, 18,6 faizi Dövlət Gömrük Komitəsinin, 2,4 faizi büdcədən maliyyələşən təşkilatların ödənişli xidmətlərinin, 0,1 faizi Əmlak Məsələləri Dövlət Xidmətinin, 0,8 faizi sair daxilolmaların payı kimi göstərilir.
Qeyd olunur ki, yanvar-mart aylarında büdcə xərclərinin 72,3 faizi cari xərclərə, 24,7 faizi əsaslı xərclərə, 3 faizi dövlət borcuna və öhdəliklərinə xidmətlə bağlı xərclərə yönəldilib.
Rəsmi açıqlamaya əsasən, 1 aprel 2023-cü ilə Azərbaycanın 6 milyard 679,7 milyon ABŞ dolları məbləğində xarici borcu olub.
Xarici borc 2015-ci ilə 6,4 milyard dollar, 2016-cı ilə 6,8 milyard dollar, 2017-ci ilə 6,9 milyard dollar, 2018-ci ilə 9,3 milyard dollar, 2019-cu ilə 8,9 milyard dollar, 2020-ci ilə 9 milyard 91 milyon dollar, 2021-ci ilə 8 milyard 821,5 milyon dollar, 2022-ci ilə 8 milyard 135,7 milyon dollar, 2023-cü ilə 6 milyard 693,2 milyon dollar göstərilib.
