Artım hesabatları
Azərbaycanın Dövlət Statistika Komitəsi bildirir ki, 2023-cü ilin yanvar-mart aylarında kənd təsərrüfatının ümumi məhsulu 2022-ci ilin eyni dövrü ilə müqayisədə 3,4 faiz (heyvandarlıq məhsulları istehsalı 3,5 faiz, bitkiçilik məhsulları istehsalı 1,3 faiz) artıb.
Hesabata görə, nəqliyyat sektorunda yük daşınması üzrə 6,4 faiz, sərnişin daşınması üzrə 22,8 faiz yüksəliş qeydə alınıb.
İnformasiya və rabitə xidmətlərinin həcmində artım 17,8 faiz, ictimai iaşə dövriyyəsində real ifadədə 21,9 faiz, əhaliyə göstərilən ödənişli xidmətlərin dəyərində real ifadədə 11,6 faiz, əhalinin gəlirlərində nominal ifadədə 15,2 faiz göstərilir.
Qeyd olunur ki, yanvar-mart aylarında dövlət büdcəsinə 8 milyard 290 milyon manat gəlib, büdcədən 6 milyard 567 milyon manat xərclənib.
Martın 1-nə bank və digər kredit təşkilatlarının kredit portfeli milli valyuta ekvivalentində 20 milyard 347,1 milyon manat, əhalinin banklardakı əmanətlərinin milli valyuta ekvivalentində məbləği 11 milyard 901,8 milyon manat olub.
