Makroiqtisadi göstəricilər
2023-cü ilin yanvar-mart aylarında Azərbaycanda 18,6 milyard manatlıq, ötən ilin ilk rübü ilə müqayisədə 3,2 faiz az sənaye məhsulu istehsal edilib. Dövlət Statistika Komitəsi bildirir ki, neft-qaz sektorunda məhsul istehsalı 4 faiz azalıb, qeyri neft-qaz sektorunda 4,7 faiz artıb.
Başqa bir hesabata görə, yanvar-mart aylarında pərakəndə ticarət dövriyyəsi real ifadədə 3 faiz yüksəlib, alınan mallara xərclənən vəsaitin 52,2 faizi ərzaq məhsullarının, 4,9 faizi içkilər və tütün məmulatlarının payına düşüb.
Qeyd olunur ki, yanvar-fevral aylarında Azərbaycanın hüquqi və fiziki şəxsləri 155 ölkədəki tərəfdaşları ilə ticarət əməliyyatları həyata keçirib, 84 ölkəyə ixrac, 149 ölkədən idxal rəsmiləşib.
2022-ci ilin yanvar-fevral ayları ilə müqayisədə xarici ticarət dövriyyəsinin faktiki qiymətlərlə 6,7 faiz, real ifadədə 4,5 faiz, o cümlədən idxalın 10,9 faiz, ixracın 2,4 faiz artdığı xəbər verilir.
