Kənd təsərrüfatı naziri təyin edildi
Məcnun Qadir oğlu Məmmədov kənd təsərrüfatı naziri təyin edilib. Prezident İlham Əliyev sərəncamı aprelin 14-də imzalayıb.
Novator.az bildirir ki, aprelin 4-də Ali Məhkəmənin üzvü və sədri təyin olunan İnam Kərimov həmin gün kənd təsərrüfatı naziri vəzifəsindən azad edilmiş, nazir vəzifəsinin müvəqqəti icrası müavin Sarvan Cəfərova tapşırılmışdı.
Kənd Təsərrüfatı Nazirliyi 1918-ci ildə Əkinçilik və Əmək Nazirliyi adı ilə yaradılıb, həmin il Dövlət Əmlakı və Əkinçilik Nazirliyinə çevrilib. 1920-ci ildən Dövlət Torpaq Komissarlığı, 1946-cı ildə əvvəl Əkinçilik Nazirliyi, sonra Kənd Təsərrüfatı Nazirliyi adı daşıyıb. 1985-ci ildə bir çox qurumla birləşdirilən Kənd Təsərrüfatı Nazirliyi Dövlət Aqrar Sənaye Komitəsinə çevrilib. 1992-ci ildə Kənd Təsərrüfatı və Ərzaq Nazirliyi yaradılıb, 1993-cü ildə yenidən Kənd Təsərrüfatı Nazirliyi qurulub.
